Hello! Mr. Fuji! Vol. 2 – 跟團好唔好!?

<富士山登頂之旅之跟團好唔好!?>

話說我係同2位女仔朋友一齊去, 一個有豐富行山經驗, 另一個就少d, 我地選擇左一齊跟一個local tour, 諗住跟住當地導遊會比較穩陣, 又唔洗自己睇路咁樣, 但我地三個去完都一致覺得唔跟團會好玩d, 唔推薦呢個團!!!><|||

首先講下個團包左咩先, 包左由新宿出發去五合目的車, 五合目有午餐, 包左2個tour guide睇住一行12人, 包左一晚屋仔, 屋仔有晚餐同早餐, 落山後可以自費加個溫泉, 離開果程車可以係新宿or 御殿場outlet落, (有需要係可以租gear)
詳程係可以係下面個link睇下, 我就唔流水帳咁寫成個schedule係點喇

http://willerexpress.com/en/fuji/course/1.php

個團有咩好!??

1. 包交通, 有一架大巴坐12人, 亦都好舒服
2. 唔驚會迷路, 2個tour guide一頭一尾咁包抄
3. 半夜由八合目上山頂果段行左一條少人行的路!!! ***呢個係我成個團之中最滿意的!!! 因為八月上山的人真係超級多, 行一條少人的路唔洗同人迫, 真正feel到山上的寧靜, 坐係路邊休息的時候仲見到幾粒流星飛過tim!
4. 落山後有得自費加溫泉好正! 加800yen真係抵到爛!!

有咩唔好!?

1. Tour guide英文好差><|||不過日本人識極英文都係咁…算啦XD
2. Tour guide 冇heart…其實呢個真係重點, 有冇heart真係一睇就知…
3. 安排唔得flexible, 話說我地由新宿去五合目果程車係大塞車, 本身係12點開始行, 搞到成3點先開始行, 但完全冇因應咁樣而每樣野cut少少時間, 例如食lunch可以食少10分鐘, 拉筋可以拉少5分鐘, 拎gear可以快10分鐘…完全冇…所以結果係我地9點先上到山小屋, 訓左2個鐘就要再出發
4. Tour guide完全冇因材施教, 佢一心就係跟住佢個tempo去行, 一步都唔比你超過佢, 行得特別慢反而消晒意志同體力, 反而係好辛苦, 而且強迫你唔攰時休息, 攰的時侯又迫你快d…如果本身行開山的人, 絕對係跟返自己節奏會好d…
5. Tour guide冇介紹重要影相位, 同唔比我地行紀念品店, 其實, 講黎講去都係冇心的問題, 佢都係趕收工姐…=[

仲有咩要有咩心理準備!?

1. 山小屋環境同集中營冇分別
   (山上人多又冇地方一定係迫架喇, 一晚半晚就捱過去啦)
2. 山上的晚餐同早餐都好差
   (山上冇水又咩都要運上黎, 的確好難做得出咩好好食的野, 所以…大家都係帶定多d energy bar)
3. 需要一定的體力, 都係果句, 量力而為

講到最後, 到底跟唔跟團!?? 我自己就唔太推介, 但又有一大原因係我遇著個冇heart的tour guide, 加上language barrier, 係比較難d 做到個個都開心ge, 如果大家好少行山又怕會迷路, 特別係一個人旅行冇人照應的人, 或者係唔想自己要plan晒所有野ge, 都可以考慮下跟團, 仲有機會識到朋友tim!

 

大家有經驗都可以留言一齊share =]

Willer Express

http://willerexpress.com/en/fuji/